Written by: Yojana Gautam - 23068, Grade XII
Posted on: 05 December, 2022
सानाे बालक हुँदा आमाको काखमा सुत्ने म
आज एक्लै, एक्लो सुनसान कोठामा सुत्दै छु
सपना साकार पार्न भनी सहर छिरेकाे म
आज यही अपरिचित सहरमा हराउँदै छु।।
पैसा कमाउन सहर आएको थिएँ
सबै आफ्ना हुन्छन भन्ने सोचेको थिएँ ।
सोच त के के थियो कमाउने, रमाउने,
तर आज यो सहरकाे जिन्दगीले,
नयाँ पाठ सिकायाे धेरै आँसु बिकायाे ।
पैसा नै सबथाेक होइन भनी उपदेश दिने म
आज त्यसकै खाेजीमा भाैतारिरहेछु ।
खुसी नै ठुलो हो, भनेर सोच्ने म
यो सहरमा सबै खुसी गुमाउँदै
अतीतलाई पर्खिरहेछु र सम्झीरहेछु ।
हिजो जस्तो लाग्छ त्यो माटो छाडेको
थाक्दाथाक्दै नापेर त्याे बाटाे छाडेकाे
सपनाको जग बुन्न जन्मभूमि त्यागेको
केही पैसा कमाउन र जिन्दगी चलाउन
सहर छिरेको आज धेरै वर्ष भएछ ।
समयले मलाई धकेलेछ
बगरकाे किनारामा म जिन्दगीसँग लामाे सास फेर्दै छु ।