Written by: Dhendup Norphel sherpa - 23020, Grade XII
Posted on: 10 November, 2022
टिकटककाे प्रभाव
टिकटक चिनियाँ बहुराष्ट्रिय इन्टरनेट टेक्नोलोजी कम्पनी बाइटदानचे द्वारा सन् २०१७ मा निर्माण गरिएकाे एउटा एप हाे । यो एक किसिमकाे सामाजिक सञ्जाल हाे । हामी अहिले मोबाइल फोनको पुस्तामा बाँचिरहेका छौँ । अब सबैले स्वतन्त्र रूपमा फोन प्रयोग गर्न पाउँछन् । खासगरी आजका युवाहरू यस सञ्जालमा निकै व्यस्त देखिन्छन् । उनीहरू आफ्नो अधिकांश समय सामाजिक सञ्जालमा बिताउँछन् । किनकि टिकटक बालबालिका र वयस्कहरूमा दिन प्रतिदिन धेरै लोकप्रिय हुँदै गइरहेको छ । उनीहरू नयाँ गीतहरूका टिकटक भिडियो बनाउन आफ्नो समय खर्च गर्छन् । आफूमा प्रतिभा छ भने आफ्नाे नाम र प्रसिद्धि कमाउन पनि टिकटक प्रयोग गर्नेकाे मानिसकाे सङ्ख्या धेरै छ ।
आजकाल टिकटक लतको रूपमा विकसित हुँदै गएको छ । किनकि यसको जुन प्रक्रिया छ यसले मानिसका जुन रुचिका भिडियोहरू खाेज्छन् छन् ती भिडियोहरू बढी मात्रामा देखाउँछ । यसैले टिकटकमा अनलिमिटेड भिडियोहरू स्क्रोल गरी मानिसलाई दिक्क नलागी अरू हेराैँ हेराैँ लाग्छ । त्यसैले हामीले आजका हजारौँ टिकटकमा लत बसेकामानिसहरू देखेका छौँ । जसले उनीहरूको सामाजिक र व्यक्तिगत जीवनमा बाधा पुर्याउँछ । साथै, विद्यार्थीहरूमा टिकटकको प्रभाव राम्रो छैन किनकि यस किसिमकाे लतले उनीहरूको पढाइमा बाधा पुर्याइरहेको छ । याे भनेकाे विद्यार्थीकाे जीवनमा समयकाे मात्र बरबादी हाे ।
केही टिकटक प्रयाेगकर्ताहरूले अरूको खिल्ली उडाउने भिडियोहरू सिर्जना गर्छन् । यसले संलग्न सबैको मानसिक स्वास्थ्यमा नकारात्मक असर गर्छ । जसले जीवन-धम्कीपूर्ण र जटिल परिस्थिति निम्त्याउन सक्छ भने टिकटक राखिएका सबैखाले राम्रा नराम्रा भिडियोहरूले कलिला बालबालिकामा नराम्राे असर पुर्याउँछ । टिकटकमा कसले सामेल हुन सक्छ भन्नेबारे कुनै प्रतिबन्धहरू छैनन्, त्यसैले अपरिचितहरूले सजिलै बच्चाहरूलाई सन्देश पठाउन र हानिकारक परिस्थितिहरू सिर्जना गर्न सक्छन् ।
समग्रमा, टिकटक आफैँलाई मनोरञ्जन गर्न वा अन्य टिकटक प्रयोगकर्ताहरूलाई आफ्नो विशिष्टता देखाउनको लागि एक उत्कृष्ट प्लेटफर्म भए पनि अनावश्यक दृश्यहरू रोक्नका लागि टिकटकको नराम्रो प्रभावको बारेमा होसियार हुन आवश्यक छ ।
