Written by: Yojana Gautam - 23068, Grade XII
Posted on: 07 November, 2022
तिमी परिवर्तन केमा चाहन्छौ भनी कसैले सोध्यो भने
मेरो उत्तर मेरो देशको नीतिमा हुने छ ।
किन भन्छौ भने मेरो देशको नीति नियम परिवर्तित छैन
अर्को कारण सोध्छौ भने मेरो देशमा बनाएको नीति
भ्रष्टचारका कारण कार्यान्वयन हुन सकेको छैन।
परिवर्तन कसरी हुन्छ त भन्ने विषयमा हाम्रो नेताले नसोचेको र
परिवर्तन मबाट नै हुनुपर्छ भन्ने कुरा हामी जनताले नसोचेर
आज मेरो देशको हालत यस्तो छ ।
जहाँ नीति बनाउनेदेखि नीति पालना गर्नेसम्ममा भ्रष्टाचार छ।।
सबै नीति नराम्रो त छैन तर,
जब जब परिवर्तनका निम्ति आवाज उठाउँछौँ
भ्रष्टचार र अत्याचारको धुवाँले झुकाउँछ
जब जब बेरोजगारीले शिखर नाघ्छ,
ओठमा सिगरेट अनि नाकबाट तुवाँलो लाग्छ
नीति बन्छ कि भन्ने धुवाँको आशा मर्दैन ।
जता गए पनि नीति नै नीति देखिन्छन्
तर नियतमा परिवर्तित नीति छैनन्
शिक्षामा हेर्यो त्यस्तै छ
दु:ख लाग्छ यो सुन्दा
तर यस्तै छ मेरो देशको हालत।।
आज परिवर्तन नगरे कहिले गर्ने ?
हामीले नगरे कसले गर्ने ?
अब नीतिलाई नियतमा ल्याउनुपर्छ
सबै मिलेर देश बनाउनुपर्छ।।