म

Written by: Nishan Shrestha - 25008, Grade X

Posted on: 04 November, 2022

मरुभूमिमा हराएको यात्री हुँ म 
मृत्युलाई कसरी टार्न सक्छु र 
गिद्धको नजरमा परि सकेको म  
मद्दत, यो सुकेको मुखले कसरी माग्न सक्छु र

आगोमा जलेर खरानी बन्ने कोइला हुँ म  
आफूलाई पोलेको पीडा कसरी  देखाउन सक्छु र  
मेरो रङ कालो भएता पनि 
म भित्र भएको सेतो पनलाई कसरी देखाउन सक्छु र  

फुटाउन नसक्ने ढुङ्गा हुँ म 
तर भित्र भित्र चर्केको कसले देख्न सक्छ र  
मेरो रुप कडा भएता पनि
मेरो कमलो मन कसले हेर्न सक्छ र  

चट्याङ हुँ म 
आफ्नो मनलाई कसरी तर्साउन सक्छु र   
अँध्यारोमा उज्यालो बनाउने म 
मनमा लागेको झट्कालाई देखाउन सक्छु र 
बगिरहने खोला हुँ म 
कसैले रोकेर रोक्न सक्छु र  
हात्ती हुँ म 
कुकुर भुक्यो भन्दैमा पछाडि सर्न सक्छु र ..