Written by: Yojana Gautam - 23068, Grade XII
Posted on: 02 November, 2022
हो म धेरै बोल्छु
खुला मनले बोल्छु
त्यसैले धेरै दोष थाेपरिन्छ
भए भरकाे रिस पाेखिन्छ ममाथि ।
झुट लुकाएर बोलेको भए
धेरैको प्यारो हुन्थे होला
साचो बोल्ने भएर नै
म धेरै दुःखी छु
तर, दुःखमा नै सुख छ मलाई,
मेरो जीवनकाे इच्छा पनि यही हो ।
अरूले के सोच्छन् भन्दाभन्दै
अरूले के गर्छन् भन्दाभन्दै,
अरूकाे चिन्ता गर्दागर्दै मैले
धेरै समय खेर फालिसकेछु ।
कमजोर त छैन म,
तर, किन एकान्तमा बसी रोइरहेछु ?
मेरा मनका घाउ मेटाउन
हराएका बेदना भेटाउन
म धित मरून्जेल रोइरहेछु ।
प्रश्नै प्रश्नको बिचमा रहेको मेरो सोचले
मलाई आजकाल धेरै दुःख दिँदै छ।
छिनभरमै मेराे खुसी खाेसी लिन्छ,
किन हाे मलाई धेरै दुःख दिन्छ ।