Written by: Diya Bajracharya - 23021, Grade XII
Posted on: 21 October, 2022
तोते बोलीले आमा ! आमा ! !
भन्दै बोलाउने गर्थ्यो ऊ,
म बिना त सुत्नै सक्दैनथ्यो ।
साना साना कुरामा खुसी हुने
र बेला बेला रिसाउने ऊ
मेरो छोरो त आज ठुलो भएछ ।
पोलियो खान डराउने मेरो छोरो
आजभोलि नशा लिने भइसकेछ ।
एकछिन एक्लै बस्दा डराउने मेरो छोरो
आजभोलि चार दिवारको कोठाभित्र
खै, कसरी हाे रमाउँदाे रहेछ ।
मेरो मायामा के कमी भएछ उसलाई
मभन्दा प्यारो त नशा लाग्न थालेछ
म डाक्टर बन्छु है, भन्दै जिद्दी गर्थ्यो
खै कसरी कुलतमा फसेछ ।
प्रश्न सोध्दै दिक्क पार्ने गर्थ्यो,
अहिले उसको बोली सुन्न तड्पिनु परेको छ
मेरो काखमा लुटुपुटु गर्ने मेरो छोरो आज
खै कुन दुनियामा कता हराउन थालेछ ।।