Written by: Kristina Rai - 27006, Grade VIII
Posted on: 12 September, 2022
अनुशासन मानिसको जीवनमा सबैभन्दा महत्त्वपूर्ण गुणमध्ये एक हो । अनुशासन भनेको इमान्दार, मेहनती, उत्प्रेरित र जीवनभर सक्षम भएर रहनु हो । अनुशासन मानव जीवनको धेरै महत्त्वपूर्ण कुरा हो किनभने यसले व्यवहार कायम राख्न मद्दत गर्दछ । अनुशासनले नै लक्ष्य प्राप्त मदत गर्दछ । त्यसैले यसले हामीलाई सफलताको बाटो देखाउँछ । अनुशासनले जीवनमा व्यवस्थित रहनको लागि राम्रो आधार स्थापित गर्दछ । राम्रो अनुशासित भएको व्यक्तिले नै भविष्यमा सफलता प्राप्त गर्ने छ र जीवन सहज बनाउने छ। अझ विद्यार्थीका लागि त झन् अनुशासन धेरै महत्त्वपूर्ण हुन्छ ।
अनुशासनले विद्यार्थीहरूलाई उनीहरूको अध्ययनका साथै उनीहरूको जीवनका अन्य क्षेत्रहरूमा केन्द्रित र उत्प्रेरित हुन सिकाउँछ । विद्यार्थी जीवनमा अनुशासनले सबै कुरा प्रति आकर्षित गरेको छ, । यस कारणले विद्यार्थीहरूले आफ्नो जीवनको प्रत्येक क्षेत्रमा सफलता प्राप्त गरेका छन् । एक अनुशासित विद्यार्थीले आफ्नो लक्ष्यमा ध्यान केन्द्रित गर्छ । त्यसैले विद्यार्थीको जीवनमा अनुशासनलाई सफलताको सबैभन्दा मुख्य स्रोत भनिन्छ । मानिस राम्रो अनुशासित भएमा जीवन सकारात्मक गाेरेटाेतिर माेडिन्छ । यसले विद्यार्थीलाई शान्त र संयमित रहन मद्दत गर्छ । त्यतिमात्र नभई विद्यार्थीलाई ध्यान कायम राख्न र समस्याहरूसँग अगाडि बढ्न मद्दत गर्दछ । एक अनुशासित विद्यार्थीमा आत्म-नियन्त्रण गर्ने शक्ति हुन्छ । उचित अनुशासनले विद्यार्थीहरूलाई सबै कुराप्रति सकारात्मक मनोवृत्ति निर्माण गर्न मद्दत गर्छ । यसले उनीहरूलाई विस्तारै स्थिर रूपमा आफ्नो व्यक्तिगत विशेषताहरू सुधार गर्न मद्दत गर्दछ । अनुशासनले विद्यार्थीको शैक्षिक उपलब्धिहरूमा सकारात्मक प्रभाव पार्छ । सामाजिक स्वरूपअनुसार कुनै एक अनुशासित व्यक्तिलाई नै समाजले सम्मानित गर्दछ । यसरी अनुशासनमा रही कुनै विद्यार्थी अरू कोहीका लागि एक प्रेरणाको स्रोत पनि बन्न सक्छ । आफ्नो लक्ष्य हासिल गर्नको लागि सम्मानजनक व्यक्तित्व बनाउँछ । राम्रो अनुशासनले समाजप्रति सकारात्मक दृष्टिकोण उत्पन्न गर्दछ ।
अनुशासित व्यक्तिले सधैँ अरूको लागि राम्रो उदाहरण बनाउँछ। यसले आत्मविश्वास र ठुलो काम गर्न उत्सुकता ल्याउने गर्छ। अनुशासनले नै इमानदारी र गम्भीरताको अनुभूति ल्याउँछ । उचित अनुशासनबिना सुखी र सुरक्षित जीवन जिउन गाह्रो हुन्छ । हाम्राे विकासको लागि उचित आत्म-नियन्त्रण, धैर्यता, सकारात्मक मनोवृत्ति, र कडा परिश्रम भविष्यका लागि धेरै महत्त्वपूर्ण छन् ।अनुशासनले व्यक्तिगत समस्याहरूलाई सम्बोधन गर्न, शान्तिपूर्ण र सम्मानजनक समाजको विकास गर्न मद्दत गर्छ । त्यसैले अनुशासनमा बसेर जिउनु नै उचित छ ।
निष्कर्षमा भन्नुपर्दा अनुशासनले प्रत्येक व्यक्तिलाई नियन्त्रणमा राख्छ। यसले व्यक्तिलाई जीवनमा प्रगति गर्न र सफलता हासिल गर्न प्रेरित गर्छ । यसबाहेक, सबैसँग अनुशासनको आफ्नै सम्भावना रहेको छ । अनुशासन नै सफलताको मुख्य स्रोत हो।
