Written by: Anuska Yadav - 26003, Grade IX
Posted on: 21 July, 2022
मेरो जीवन सुखमय बनाउन
प्रकृतिले मसँग केही लिएको छैन ।
तर मैले प्रकृतिलाई संरक्षण
गर्न केही काम गरेकी छैन ।
खुसीले मक्ख हुन्छ मेरो मन
जब म पाउँछु प्रकृतिको माया
मेरो हृदय हरपल भन्दछ
खोज्छु म प्रकृतिको छाँया ||
जन्मेदेखि प्रकृतिको काखमा
हुर्केको मेरो सानो ज्यान |
प्रकृतिले नै मेरो मन र मस्तिष्कमा
बढाउँदै लगेको छ ज्ञान॥
प्रकृतिविना हुन्छ अधुराे
मेरो जीवन अधुराे
प्रकृतिको संरक्षण गर्न
गर्छु म मेरो कर्तव्य पूरा।।