भानुभक्त आचार्य

Written by: Aarnov Adhikari - 23003, Grade XII

Posted on: 06 July, 2022

नेपाली भाषा थियो छरपस्ट
सँगाली तिमीले बनायौ सशक्त
साहित्य आकाशमा सदा चम्कियौ
बनी आदिकवि भानुभक्त ।

सम्पन्न तिमी उपकारी थियौ,
पायौ घाँसीबाट अर्ती 
नेपाललाई कान्तिपुरी बनायौ
कविता नै लेखिदियौ सरसर्ती ।

धनञ्जय र धर्मवतीको छाेरा भई जन्मियौ तिमी
रामायणको गर्यौ अनुवाद, सबै नेपालीको मन चिनी 
तिमीले लेख्यौ एक रातमा वधूशिक्षा
बाजे श्रीकृष्णबाट लिई दीक्षा ।

भोलि भन्ने शब्दलाई मान्दैनथ्यौ तिमी
कलम र अधिकारका लागि बरु जेल गयौ तिमी
साहित्य र अधिकारका तिमी संवाहक
रहेसम्म धर्ती छाइरहने छौ सबैका मनमा निर्धक्क ।