Written by: Sambhavya Pandey - 30027, Grade V
Posted on: 13 June, 2022
पहिलो पटक म भक्तपुर यही हप्ता छुट्टिमा गएको थिएँ । मलाई भक्तपुर रमाइलो ,राम्रो र सफा लाग्यो । बाबा, मामु र म घुम्न गयेको थियौं । मेरो बाबाको साथीले हामीलाई सबै ठाउँ घुमाइदिनुभयो । काकाको घर भक्तपुर दरवार क्षेत्रमा रहेछ । भक्तपुर सारै सफा र बाटो पनि जताततै ढुङ्गा छापेको रहेछ । भक्तपुरको धेरै घरहरुको ढोका र झ्यालहरुमा कत्ति राम्रो बुटाहरू बनाएको हुँदो रहेछ । भक्तपुर दरबार स्क्वायर क्षेत्रमा मैले फोहाेर प्लास्टिक कतै पनि देखिन । काठमाडौंमा कति फोहोर छ । भक्तपुर कति सफा छ । म भक्तपुर दरबार स्क्वायर क्षेत्रमा पाँचतले मन्दिर घुमे । पाँचतले मन्दिरलाई नाथपोल मन्दिर पनि भनिदो रहेछ । मन्दिरको अगाडि छेउछाउमा दुबैतिर हात्तीको मूर्ति त्यो भन्दा पछी सिंहको मूर्ति रहेछ । मन्दिरको माथि ढोकामा ठुलो ताल्चा थियो मैले अहिलेसम्म त्यस्ताे ताल्चा देखको थिइनँ । त्यस ताल्चालाई भोटे ताल्चा भनिदो रहेछ । मन्दिरको सिँढी ठाडो रहेछ । तल ओर्लने बेलामा त डर नै लाग्यो । पाँचतले मन्दिर वरिपरि घुमेपछी हामी दत्तात्रयको मन्दिरतिर गयौँ । यो मन्दिर पनि कति ठुलो रहेछ । यो मन्दिर चाहिँ ब्रम्हा , बिष्णु र महेश्वरको तीन वटाको एकै रुप नै दत्तात्रयको रुप रहेछ । भक्तपुरमा कत्ति धेरै पोखरी र इनारहरू पनि रहेछन् । भक्तपुरमा चोैक चाैकमा जता पनि इनारहरू रहेछन् । त्यस पछी हामी पचपन्न झाले दरबारतिर गयौं । पचपन्न झाले दरबारको झ्याल काठैकाठको रहेछ । तलेजु भवानी मन्दिर भित्र गयौं । यो मन्दिर भित्र फोटो खिच्न, झाेला, माेबाइल लिएर जान जुत्ता चप्पल लगाएर जान नपाइने रहेछ । तलेजु मन्दिर भित्र दुईवटा पोखरी पनि रहेछ। एउटा पोखरीमा त कति राम्रो ढुङ्गे धारा पनि रहेछ। त्यसपछी बाहिर आयौं । कति मन्दिरहरू भूकम्पले भत्किएका अझै बनिसकेका रहेनछन् । त्यसपछि हामी सिद्धपोखरी पनि गयौं सिद्धपोखरी कत्ति ठुलो रहेछ । सिद्ध पाेखरीमा धेरै माछाहरू रहेछन् । भक्तपुरको जु जु धौ एकदमै मिठो लाग्यो । भक्तपुरमा माटाका भाँडाहरू पनि बनाउँदा रहेछन् । मलाई भक्तपुर असाध्यै राम्रो लाग्यो ।
