Written by: Prasanna Dhungel - 28021, Grade VII
Posted on: 24 May, 2022
हामीलाई तोते बोली बोल्न सिकाउने
बिदामा हामीसँग खेल्ने रमाउने ।
भाेक लाग्यो भने खाना तिर्खा लागे पानी
असल मानिस बन्नु अनि गर्नु राम्रो बानी ।।
हाम्रो लागि दिन रात काम गर्ने आमा
सधैँ असल बनाउन कोसिस गर्ने आमा ।
घाउ चोट लाग्दा औषधी लगाइदिने
हाम्रो भविष्यको दिन रातै चिन्ता लिने ।।
दुखी हुँदा हामीलाई सधैँ खुसी बनाउने
हामीलाई सधैँ राम्रो बानी सिकाउने ।
सानो हुँदा हामीलाई कथा सुनाउने
ठुलो हुँदा हामीलाई सफल बनाउने ।।
हामीलाई सफलताको बाटो देखाउने
अन्धकारबाट प्रकाशतिर लैजाने ।
जति कठिन परिस्थिति आए पनि
हामीलाई केही पनि हुन नदिने ।
हामीलाई सधैँ राम्रो शिक्षा दिने
समस्यामा हामीलाई सधैँ सहयोग गर्ने ।
तिमी नै हौ आमा संसारमा सधैँ मिल्ने साथी
हाम्रो लागि हुन्छौ आमा तिमी सबैभन्दा माथि ।।