परीक्षा

Written by: Aaniya Poudel - 27002, Grade VIII

Posted on: 23 May, 2022

(विद्यालयकाे वार्षिक  परीक्षा आउँदै छ । मुना, राम, सीता र हरि आउने परीक्षाको बारेमा कुराकानी गर्दै छन् ।  ल अब उनीहरूको कुराकानी सुनौ है त)

राम: अब परीक्षा आउँदै छ । परीक्षा आउने बित्तिकै आमाले पढ कि पढ मात्र भन्नुहुन्छ । एक छिन् खेल्न मात्र थाल्याैँ भने “हो खेलेर मात्र बस् पढ्नुपर्दैन ? परीक्षामा नराम्रो अङ्क त आओस् सरकारी स्कुलमा लगेर हाल्दिन्छु” भन्नुहुन्छ  ।

सीता: मेरो मा पनि  त्यस्तै भन्नुहुन्छ । “राम्रोसँग पढ़्यो भने राम्रो अङ्क आउछ ठुलो मान्छे बनिन्छ । पढेन  भने गाउँमा गएर भकारो सोरे भयो”  भन्नुहुन्छ । कति मात्र पढ्नु दिक्क लागिसक्याे ।

हरि: हो भनेको अरू बेलामा भन्दा पनि परीक्षा आउने बेलामा पढ कि पढ मात्र भन्नुहुन्छ । पढ्नुपर्छ परीक्षामा राम्रो अङ्क ल्यायो भनी त पास भइन्छ नि । मुना केही बोली राछिन् के भयो मुना ?

मुना : केहीँ पनि भएको छैन । तिमीहरू आफ्नो आमा बुबालाई सम्झाओ न त ।

( सबैले एकै स्वरमा भने के सम्झाउनु ?)

सीता : के चै सम्झाउनु मलाई त आफैँ परीक्षादेखि डर लाग्छ ।

मुना : डराउनै पर्दैन हाम्रा शिक्षकहरूले नै भनिसक्नुभएकाे छ  । परीक्षाबाट डराउनुपर्दैन ।

राम : शिक्षकहरूले जति भने पनि डर कतै न कतै मनमा लागि हाल्छ नि ।

मुना :मैले भन्न खोजेको हाम्रो परीक्षामा हामीले गरेको कक्षाकार्य र गृहकार्यको अङ्क पनि जाेडिन्छ । राम्ररी कक्षामा सुन्ने, कक्षाकार्य र गृहकार्य गर्ने गरेमा अवश्य पनि राम्राे अङ्क आउँछ नि । किन डराउने ?  ढुक्क भएर लेेखे त राम्राे हुन्छ नि ?  

हरि : हो त नि परीक्षाक़ो डरले गर्दा हामीले यो त बिर्सेको  नि ।

मुना :  यो भन्दैमा  परीक्षा बिगार्ने र नपढी आउने चाहिँ हैन नि ।

सबैजनाः हाे, हाे, परीक्षादेखि डराउने हाेइन । बरू  मिहिनेत गर्नुपर्छ ।  

 

( घन्टी बज्छ र  सबैजना आफ्नो कक्षातर्फ लाग्छन्  ।)