Written by: Umanga Khatiwada - 23047, Grade XI
Posted on: 19 April, 2022
‘आमा’ शब्द सुनेपछि सबैको मनमा ममता छाउँछ,
यो शब्द सुनिसकेपछि सबैको मनले मिठो गीत गाउँछ ।
आमा यस्ती देवी हुन्, जसले हामीलाई ९ महिना पेटमा राखी जन्माइन्,
आफू नखाई नखाई हामीलाई खुवाएर हामीलाई हुर्काइन् ।
आफूले सबै दु:ख झेलेर हाम्रो आँखामा एक थोपा आँसु आउन दिइनन्,
भित्रबाट धेरै माया गरिन् तर अरूका अगाडि देखाइनन् ।
आमा सधैँ हाम्रो बारेमा राम्रो सोच्छिन् र भन्छिन्,
तर हामीलाई लाग्छ उनले गाली गर्छिन् ।
मान्छे भन्छन्, ‘भगवान् सबै ठाउँ जान नमिलेको हुनाले
उनले आमालाई बनाएका हुन्,’
तर मेरो लागि मेरी आमा भगवान्भन्दा पनि ठुली हुन् ।