Written by: Abhinav Pudasaini - 23006, Grade XI
Posted on: 18 April, 2022
बिहान उठेँ र सम्झेँ आफ्नो सपना
त्यो त केही हैन रहेछ नेपालको विपना
डर लाग्छ सोच्दै म छु यस्तो देशमा
जहाँ बलात्कारीहरू घुमिरहन्छन् खुला भेषमा ।
बस्न कसलाई मन छ र यहाँ ?
तर सोच्छु जाने नै हो भने जाने कहाँ ?
तर एक छिन लाग्छ, मर्ने त हो लाग्ने के नै छ ?
तर मर्नुअघि देशका लागि केही गर्नु छ ।
सोच्छु, भोलिपर्सि राम्रो नेता बनेर देश सम्हाल्छु,
तर सबले भन्छन् नेता बनेपछि खुब पैसा कमाउँछु,
बन्छु असल नेता, देखाउँछु गरेर सबलाई आफ्नो काम
तर त्यसभन्दा पहिले कमाउनु छ मज्जाले दाम ।