Written by: Abhinav Pudasaini - 23006, Grade XI
Posted on: 15 April, 2022
आज रुँदै छ मेरो मन, देख्दा देशको स्थिति
धेरै आए, गए तर सबले बिगारे परिस्थिति
कहिले बन्यो एमाले, कहिले काङ्ग्रेस सरकार
सब मिलेर नेपाललाई बनाए बेकार ।
देश कता जाँदै छ ? थाहा छैन कसले कता लाँदै छ,
नेता भने पेटभर खाँदै छ, जनतालाई भोकै मार्दै छ,
लाज लाग्छ सोच्दा कि म छु यस्तो देशमा
जहाँ बलात्कारी र अपराधी हिँडिरहेका छन् खुला भेषमा ।
दुःख लाग्छ देख्दा नेपालीहरूले छोडेर गएको आफ्नो देश
मन त कसलाई होला र ? परिस्थितिले नै पठाएको होला परदेश
परिवार छोडी जान कसलाई मन होला र अरूको देशमा ?
मन नभए पनि के गर्नु ? केही पनि काम छैन यो देशमा ।
दिनदिनै सोच्छु देश कता जाँदै छ ?
फेरि सोच्छु कसले देशलाई त्यता लाँदै छ ?
रुनु पनि कति रुनु ? आँसु सकिइसक्यो,
बाहिर हेर्दा अर्को मान्छे परदेश लम्किस्क्यो ।