Written by: Aarpan Acharya - 23010, Grade XI
Posted on: 04 April, 2022
कस्तो हो यो अन्तरमन ?
आफ्नै आँसुको कारण नबुझी
खाली अनन्त समुद्रकाे उत्पत्तिबारे खोज्न हिँड्छ,
कस्तो हो यो अन्तरमन ?
मनभित्रको कमजोरी नबुझी
बाहिरी संसारमा
आफ्नो शक्ति प्रदर्शन गर्दै हिँड्छ ।
कस्तो हो यो अन्तरमन ?
याे अराजक बस्तीमा
गाईजात्रा देख्छ,
यसले घोडेजात्रा देख्छ,
अन्तर्जात्रा भने कहिले देख्ने ?
अन्तरङ्गको भेलबाट मुक्ति यसले कहिले भेट्ने ?
कस्तो हो याे अन्तरमन ?
भोक त छ तर खाने इच्छा हुँदैन,
कस्तो हो याे अन्तरमन ?
शाेक त छ तर अनुहारमा दु:ख हुँदैन ।
कस्तो हो यो अन्तर्मन ?
जसलाई आफू छु भन्ने त थाहा छ,
तर कस्तो छु भन्ने पत्तो छैन,
बाहिरी नकाब पनि जिज्ञासु छ,
अब त यो अन्तर्मनको आकार बुझ्नलाई
बाहिरी नकाबको यो नियत देखेर
फेरि प्रश्न नै परिवर्तन गर्दिन्छ,
होइन, कस्तो हो यो अन्तरमन ?