Written by: Binaya Rijal - 22020, Grade XII
Posted on: 31 March, 2022
कठै !
म कसलाई भनूँ ?
यहाँ लुटेर, भुटेर
खानेहरू धेरै छन्,
नभरिने पेटमा काेची काेची
भरिरहेका छन् ।
आस्था हराएकाे छ,
स्वास्थ्य खल्बलिएकाे छ,
थाहा छैन कुन बेला
कुन माेड आउने छ
बाजा नबजाई
कुन चरामाथि !
विवशताकाे खाेल
ओढ्नुपरेकाे छ निर्दाेषहरूले
उत्रिनु परेकाे छ मैदानमा
माेतीविन्दु लगाएर आँखामा
बराबरकाे राेमान्चक खेल
चलिरहेकाे छ त ?
कठै !
म कसलाई भनूँ ?
बुबालाई भनूँ ?
आमालाई भनूँ ?
समाजका सेवक/सेविकालाई भनूँ ?
या नेपाललाई स्विट्जरल्यान्ड बनाउँछु भन्ने राजनेतालाई भनूँ ?
म कसलाई भनूँ ?
के चलिरहेकाे छ यहाँ ?
एउटा कलिलो मस्तिष्कले
साेचिरहेछ,
आन्दोलनको बारेमा
नेपाल बन्दकाे बारेमा
राजनेताकाे बारेमा
मात्र साेचिरहेछ,
आन्दाेलनमा टाउकाे फुटालेकाे
सशस्त्र प्रहरीको बारेमा !