Written by: Aswin Siwakoti - 23014, Grade XI
Posted on: 28 March, 2022
एक यात्री हुँ म
जीवनको यात्रामा हिँडिरहेको छु,
आफ्नो पहिचान के हाे ? भनी आफूलाई प्रश्न गर्दै छु ।
एक यात्री हुँ म
समयसँग अघि बढ्न खोज्दै छु,
मेरा मनका अस्तव्यस्त चाहनालाई नियाल्दै छु ।
एक यात्री हुँ म
खोज्दै छु आफ्नो अस्तित्व
कहाँबाट आएँ र के हो मेरो अन्त्य ?
जगाउँदै छु आफ्नो विवेक
खोज्दै छु म मेरा प्रश्नका उत्तरहरू
मात्र केही सम्भावना बोकेर
अघि सर्दै छु म, केवल एक यात्री हुँ म ।