Written by: Prisha Acharya - 29040, Grade V
Posted on: 14 March, 2022
परिचय
पानीप्रेमी त्रिमूर्ति कथा वाष्प इन्जिन कथा सङ्ग्रहमा भएकाे एउटा उत्कृष्ट कथा हो । यस कथाका लेखक तारानिधि भट्टराई हुन् । यस कथामा मिल्ने साथीहरूले कसरी शुद्ध पानी बनाउँछन् भन्ने कुरा कथाका माध्यमबाट देखाउन खाेजिएकाे छ ।
पात्रहरू
यस कथाको पात्रहरू मिसायल,निशा, नेहा, उनीहरूको उनीहरूको अभिभावक शिक्षक शिक्षिका हुन् यस कथामा कोहिपनि खराब पात्र छैन ।
कथावस्तु
यो कथा तिन साथीहरूबाट सुरु भएको छ ।उनीहरू कक्षा चारका सहपाठीहरू हुन् । उनीहरू विद्यालय आउन र जान सँगसँगै जान्थे । एकदिन उनीहरू स्कुलबाटआउँदै थिए । उनीहरूले कुवाको पानी खाए । पनि त नुनिलो थियो। उनीहरू छक्क परे। किनभने त्यो पानी सफा र मीठो हुन्थ्यो। उनीहरूले यो पानी कसरी नुनिलो भयो होला भनेर छलफल गर्न लागे। नीशाले कान्ला माथि हेरौ न के रहेछ भनी । उनीहरू लगभग सँगै कान्लामाथि पुगे। त्यहाँ त फराकिलो चउर रहेछ। चउरको बिचमा एउटा माछापोखरी रहेछ। माछापाेखरीकाे पानी नुनिलाे रहेछ । केहीदिन अगाडि मात्र माछा सप्रियाेस् भनेर नुन हालिएकाे उनीहरूले अनुमान गरे ।
माछापाेखरीकाे पानी बगेर कुवासम्म पुगेर नै पानी नुनिलाे भएकाे हुनुपर्छ भन्ने कुरामा सबै सहमत भए । यसरी पानी बगेर कुवामा पुग्ने भएपछि किटनाशक औषधि पनि यसरी नै बगेर कुवाकाे पानीमा मिसिने र त्याे पानी पिउने मान्छेहरू बिरामी हुनसक्छन्। निशाले भनिन् यो खतरनाक कुरा हो हामीहरूले घरमा बुबाआमासँग र विद्यालयमा शिक्षक र शिक्षिकाहरूसँग यो कुरा गर्नुपर्छ । भोलिपल्ट उनीहरूका अभिभावक, जनप्रतिनिधिहरू, साथीहरू ,शिक्षक शिक्षिका अनि प्रधानाध्यापकसँग बैठक कोठामा बसे । पानी शुद्ध बनाउन विज्ञ ल्याउने निर्णय गरियाे र कुवाकाे पानी शुद्ध बनाइयाे । यसरी तिनजना साथीहरू मिलेर पानीलाई अशुद्ध हुनबाट जाेगाएकाले तिनै जनाकाे नाम पानीप्रेमी त्रिमूर्तिकाे उपमा दिइयाे । उनीहरूलाई विद्यालयमा छात्रवृत्ति पनि दिइयाे ।
परिवेश
यस कथाको परिवेश मिसायल,निशा र नेहाकाे घर,विद्यालय, कुवा माछापोखरी आदि
आएका छन् ।
निष्कर्ष वा सिफारिस
याे कथाले पानीकाे महत्व,पानी अशुद्ध हुने कारण अनि समाधान कथाका माध्ययमबाट सिकाएकाे छ । त्यसैले सबैलाई एक पटक कथा पढ्न सिफारिस गर्दछु ।