मेरा शब्दहरू

Written by: Adhit Upadhyay - 22003, Grade XII

Posted on: 07 March, 2022

झुल्किल्छु अनि सम्झन्छु,

तिमीलाई र तिमीसँग बिताएका ती पलहरू 

सोमरसको नशामा याद गर्छु, 

हाम्रा ती रमाइला प्रेमिल रातहरू  

ती मिठा बातहरू  

र कहिले छोड्दिनँ भन्ने ती झुटा आसहरू ।  

 

प्रिय,

दुख्ने मन आफैँ दुख्छ,

दुखाउनु पर्दैन, 

पीडा थप्न फेरि कोही नजिकिनु पर्दैन । 

 

जीवनभर सँगै रहाैँला, हाँसौला भन्ने 

ती रहरका हाँगाहरू भाँचिन थालेका छन्, 

ढकमक्क परेका सूर्यमुखी फुलहरू 

ओइलाउन थालेका छन्, 

खुला आकाशमा आएका 

इन्द्रेणी र चराचुरुङ्गीको आवाज 

हराउन थालेका छन्, 

कहिले नखस्ने ती आँसुका धाराहरू 

आजकल सुलुसुलु बग्न थालेका छन् । 

 

भनिन्छ समय एकनास हुँदैन, 

पालो सबैको आउँछ, 

छि ! भनी फालेको त्यो झुसिल किरा पनि 

एक दिन पुतली बनी उड्छ ।