Written by: Manisha Gurung - 22030, Grade XII
Posted on: 04 March, 2022
किताबको किरा मात्र बनेर
संसार जित्न सक्छु भन्ने ठान्छौ भने
भयो, तिमी लेख नलेख ।
सामाजिक सञ्जालमा दिनरात बिताउन सक्ने तिमी,
लेख लेख्न समय हुँदैन भन्छाै,
कठै ! लेख लेख्दा तिम्राे अमूल्य समय खर्च हुन सक्छ,
त्यसैले भन्दै छु, तिमी लेख नलेख ।
खेल खेल, टिकटक बनाऊ, फेसबुक र इन्स्टा चलाऊ,
लेख लेख्दा तिम्रो बौद्धिक क्षमता बढ्न सक्छ,
त्यसैले भन्दै छु, तिमी लेख नलेख ।
फोटामा कति लाइक र कमेन्ट आए ? गनेर बस्नू,
तर लेख लेख्दा तिम्रो लेखनमा सुधार आउन सक्छ,
त्यसैले भन्दै छु, तिमी लेख नलेख ।
कुन कलाकार कोसँग हिँड्दै छ र बोल्दै छ ?
अनुसन्धान गरेर अनेक थरी टिप्पणी दिएर बस्नू,
तर लेख लेख्ने प्रयास नगर्नू,
लेख लेखनले अनुसन्धानकाे भाेक बढाउँछ,
त्यसैले भन्दै छु, तिमी लेख नलेख ।
लेख लेखेर तिमीमा सकारात्मक परिवर्तन पक्कै हुने छ,
भलै नलेखे शिक्षकले कराउनुहुने छ तिमीलाई
तर मित्र ! तिमी लेख नलेख ।
केही नयाँ कुरा थाहा हुन्छ,
त्यसैले तिमी लेख नलेख,
केही न केही पक्कै सिकिन्छ,
त्यसैले तिमी लेख नलेख,
लेख लेखेरै धेरै कुरा जानिन्छ,
त्यसैले तिमी लेख नलेख !!!