Written by: Anukrama Poudyal - 2022031, Grade XII
Posted on: 03 March, 2022
ईश्वरकै भरमा सारा नेपाली जब बाँच्दछन्,
कर्म जीवन हो हाम्रो कर्ममै सब बाँच्दछन्,
नेपालीहरू नै आज नेपालीलाई ढाँट्दछन्,
सभा, भाषण हेर्यो, सबै नैतिक बोल्दछन्,
व्यवहारमा हेर सबै नैतिकता फाल्दछन् ।
देश यो अब बन्ला भन्ने निश्चय नै त्यो
हाम्रो दुर्भाग्य नै होला आशा सारा धुलो भयो,
कोपिला ठन्डीमा फुल्न सक्दैन त्यो कसै गरे,
राष्ट्रमा यो प्रजातन्त्र नफुल्ला है कतै भरे !
वासन्ती रापले पुष्प कोपिला फक्री फुल्दछ,
सत्कर्म गरे देश सधैँ अघि बढ्दछ,
आशा आमा यही गर्छिन् कता मलाई हेर्दछन् ?
फर्की फर्की सबै हेर्छिन् कसले मलाई ढोग्दछन् ।
आफैँमा खुम्चिँदै, सोच्दै आफैँमा पुत्र रम्दछ,
आफैँमा सुखशान्तिको तानाबाना बनाउँछ,
केवल आफन्तकै लागि सुखाशान्तिमै रम्दछ,
आमाको रूप सम्झेर एक क्षण त डराउँछ,
तुरुन्त सबै बिर्सेर झुटाे नारा लगाउँछ,
सदैव जनतालाई सकेसम्म छक्याउँछ ।
सुस्केरा छटपटी गर्दै सम्झिँदै ती सपुतका
सुकेका छैनन्, भन्छिन् रुँदै आमा रगत सहिदका
समस्त सृष्टिको सुन्दर मनवमूल्य गयो कता ?
यस्तै छ देशको चाला, के भनूँ म कसलाई ?
आखिर के भनूँ म कसलाई ?