परीक्षाकाे डर

Written by: Saadhvi Aryal - 29025, Grade V

Posted on: 04 February, 2022

हामी सबैलाई परीक्षा भनेपछि एक प्रकारले भारी महसुस हुन्छ । कस्ता प्रश्न आउलान्,उत्तर कसरी लेख्ने हाेला ?आदि कुरा मनमा खेलिरहन्छ । एउटा परीक्षा दिएर घर आएपछि अङ्क कति आउला भन्ने चिन्ता एकातिर रहन्छ भने अर्कातिर भाेलि दिने विषयमा के लेख्ने हाेला ? भन्ने छुट्टै चिन्ता हुन्छ अनि भाेलिपल्टकाे तयारीमा जुट्न लाग्छाैँ । परीक्षा हामी सबै विद्यार्थीलाई यस्तै भएर सकिन्छ । मेराे विचारमा यदि हामी शिक्षकशिक्षिकाहरूले पढाउँदा राम्ररी ध्यान दिने हाे भने हामी त्यसरी चिन्तित हुन पर्दैन हाेला । जुनजुन विषयमा जेजे पढाइ हुन्छ, त्याे त्यही दिन राम्ररी पढियाे भने परीक्षाका लागि पढ्न बाँकी भएर थुप्रिँदैन अनि परीक्षाका दिनलाई पनि साधारण दिन जस्तै गरी बिताउन सक्छाैँ । एकैदिन वा परीक्षाका दिन मात्र पुस्तक पढ्नाले हामीलाई परीक्षाकाे डरले सताउने गर्दछ । हाम्राे देशमा अङ्क र ग्रेडलाई ठुलै महत्व दिने कारणले गर्दा पनि हाेला, हामी सबै विद्यार्थीहरूकाे चाहे  ठुला कक्षाका हुन् वा साना कक्षाका हुन् परीक्षाले साताे लिएकाे हुन्छ । व्यवहारिक ज्ञान व्यवहारिक तरिकाले परीक्षा लिएमा किताबी परीक्षाकाे डरबाट मुक्त भइने थियाे ।