Written by: Niharika Pant - 23028, Grade XI
Posted on: 20 January, 2022
यो विज्ञान र प्रविधिको युग हो । विज्ञानले मानिसको अस्तित्वमा क्रान्ति ल्याएको छ । मानव जातिले ढुङ्गे युगदेखि आधुनिक युगसम्म विभिन्न क्षेत्रमा गरेको धेरैजसो प्रगति विज्ञानको क्षेत्रमा भएको प्रगतिले मात्र सम्भव भएको हो ।
विज्ञान आजको संसारका लागि सबैभन्दा ठुलो वरदान हो तर विज्ञान मिश्रित वरदान भएको छ । यो निश्चित क्षेत्रहरूमा वरदान भएको छ तर यो केही क्षेत्रमा अभिशाप पनि प्रमाणित भएको छ । यसले हामीलाई परमाणु र हाइड्रोजन बम र मिसाइलजस्ता धेरै खतरनाक र विनाशकारी हतियारहरू दिएको छ ।
विज्ञानले हामी सबैलाई र हाम्रो जीवनलाई हरेक पाइलामा छुन्छ । ठुलो वरदानका रूपमा धेरै अद्भूत आविष्कारका कारण विज्ञानले पृथ्वीको मुहार नै परिवर्तन गरेको छ । विज्ञानले मानिसलाई अप्रत्याशित रूपमा आफ्नो अद्भूत प्रगति र विकासबाट लाभान्वित गरेको छ र अझै विकास, अनुसन्धान र आविष्कारहरू द्रूत गतिमा भइरहेका छन् । विज्ञान र प्रविधिको सहयोगमा अन्तरग्रहीय यात्रा एक दिन वास्तविकता बन्न सक्छ । मानव जातिले यातायातका साधनहरूको विकासका लागि हालको संसारका केही उत्कृष्ट सुविधाहरूको आनन्द लिन्छ । जमिनमा रेल, समुद्रमा जहाज र हावामा हवाइजहाजले हामीलाई एक ठाउँबाट अर्को ठाउँमा छोटो समयमै यात्रा गर्न सक्षम बनाउँछन् । विज्ञानका कारण अहिले लामाेभन्दा लामाे यात्राका लागि केही घण्टा मात्रै लाग्छ । यात्रा छिटो र सहज भएको छ ।
घर, कार्यालय, कलकारखानाका लागि बिजुलीको आविष्कार भइसकेको छ । यो ऊर्जाको स्रोत हो । बिजुलीका पङ्खा, बिजुली बत्ती, बिजुलीको हिटर र अन्य बिजुलीका उपकरणहरूले हाम्रो जीवनलाई सजिलो बनाएका छन् । बिजुलीले धेरै मानव मजदुरहरूलाई विभिन्न तरिकामा प्रतिस्थापन गरेको छ ।
विज्ञानले कृषिमा पनि फाइदा पुर्याएको छ । अहिले खाद्यान्न उत्पादनको स्तर र गुणस्तरमा सुधार आएको छ, जुन विज्ञान र प्रविधिको सहयोगले मात्र सम्भव छ । उन्नत औजार र मेसिनरी, सुधारिएको सिँचाइ विधि विज्ञानकै देन हुन् । सूचना प्रविधि र कम्प्युटरले हाम्रो जीवनशैली परिवर्तन गरेको छ ।
विज्ञानको दुरुपयोगले हाम्रो जीवनमा धेरै अनावश्यक घटनाहरू निम्त्याएको छ । मानव मूल्यमान्यता पृष्ठभूमिमा धकेलिएका छन् र मानिस झन् स्वार्थी, क्रूर, कामुक, हिंसक र विनाशकारी बन्दै गएको छ ।
