Written by: Ridika Gurung - 31024, Grade III
Posted on: 14 December, 2021
बाल अधिकार भन्नाले बालबालिकाले पाउने जन्मसिद्ध अधिकार हो । बालबालिकाले पोषिलो खानेकुरा खान पाउनुपर्छ । मौसमअनुसारको कपडा लागाउन पाउनुपर्छ । शिक्षा पाउनुपर्छ । मनोरञ्जन पनि प्राप्त गर्न पाउनुपर्छ । बालबालिकाले आमा बुबाको माया पनि पाउनुपर्छ । यी सबै कुराहरू बाल अधिकारभित्र पर्दछन् । बालक देशको दोस्रो गहना हो । त्यसैले बालबालिकाहरूलाई भेदभाव नगरिकन समान किसिमले स्याहारसुसार र सुरक्षा दिनुपर्दछ । भर्खर जन्मेको बालक अबोध हुन्छ । उसलाई कसैको सहाराबाट हुर्कनुपर्छ र उसलाई कुन उमेरमा के गर्ने ? कुन उमेरमा के चाहिन्छ ? भन्ने कुरा उसका अभिभावक र उसका समाजले जान्नुपर्दछ । कुनै पनि बालबालिकालाई आवश्यक खुसी, सुख, सुविधा, शिक्षा र स्वास्थ्य आदि कुराबाट वञ्चित गरिनुहुँदैन । बालबालिकाहरूले सबै किसिमका अवसरहरू पाएमा मात्र रचनात्मक कार्य गर्न सक्दछन् ।