हाम्राे काैसीबारी

Written by: Aayaan Rai - 31006, Grade III

Posted on: 10 December, 2021

हामीले हाम्रो काैसीमा एउटा सानो बारी बनाएका छौँ । हाम्राे काैसीबारीको हेरचाह हजुरबुबाले गर्नुहुन्छ । म पनि मेरो हजुरबुबालाई यस काममा सहयोग गर्छु । हामी दुईजना मिलेर धेरै ठाउँबाट माटाे खोजेर झोलामा  लिएर आउँछौँ । त्यो माटोलाई राम्रोसँग छानेर गमलामा हाल्छौँ र त्यसमा बिरुवा रोप्छाैँ । हामीले माटोमा मल पनि मिसाउने गर्छौँ । हामीले मल बनाउन एउटा कम्पोस्ट बिन पनि राखेका छौँ । हामीले तरकारीका बोक्रा जस्ता कुहिने कुराहरू यस बिनमा हालेर मल बनाउँछौँ । यी बिरुवाहरूको राम्रोसँग हेरचाह गर्नु पर्दछ । हामीले बेला बेलामा पानी हालिराख्नु पर्दछ । अहिले हाम्रो कौसीमा गोलभेँडा, धनियाँ, काँक्रा, खुर्सानी र साग फलेका छन् । प्याज र लसुन मैले पनि रोपेको थिएँ । रङ्गीबिरङ्गी फूलहरूले हाम्रो कौसीबारी  सुन्दर देखिएको छ । मलाई काैसीबारीमा बस्न रमाइलो लाग्छ ।