Written by: Kabin Rijal - 22010, Grade XII
Posted on: 29 November, 2021
सबैसामु म खुसी छु,
मेरो दुःख ममा सीमित छ,
म कर्म गर्ने दौडमा छु,
चाहे ७ जन्मसम्म नमिलोस् फल ।
चाहे मलाई माया गर्ने धेरै होलान्,
मेरो घाउमा मलम लगाउने म मात्र छु,
पक्षपाती दानव ठानुन् अरूले मलाई
मलाई थाहा छ देउताको वास मैमा छ ।
संसार एकैचोटि हेर्ने दौडमा छैनँ म
मेरो आँखाले जे भ्याउँछ, म त्यही हेर्छु,
सबैले मबाट खुसी नपाउन सक्छन्,
म झुटो बोल्न सक्तिनँ र
उनीहरू साँचो सुन्न सक्दैनन् ।
म यो कुराबाट परिचित छु,
जिन्दगीको बाटो हिँड्ने दौडमा म अवश्य लड्ने छु,
तर मलाई ममा विश्वास छ,
म उठेर एक कदम अगाडि बढ्ने छु,
म छु, जे छु, त्यसैले त म, म हुँ ।