Written by: Smriti Lama - 25015, Grade IX
Posted on: 26 November, 2021
आनन्दित छ; मन कठिन छ जीवन ,
मायाले भरौँ मन गरौँ यो कुरा मनन ।
सोचे जस्तो सरल छैन; यो जीवन ,
माया नै हो ठुलो होइन ठुलो धन ।।
हिम्मत नहार्नु नै हो मानव जीवन ,
हिम्मतविना छैन केही भविष्यको मिलन।
मिहिनेत गर्नै पर्छ मानिसको जीवन ,
जिउनु छ जीवन धेरै नगरौँ दोमन ।।
भन्छन् सबै जीवन छ कठिन ,
बच्चा होस् या बुढो चाहे जस्तो छैन जीवन
कठिन छ भन्दै नहुनु है निराश,
छैन है जीवन सोचे जस्तो खास।।
कसरी व्यक्त गरूँ जीवनको कठिनाइ ,
धीरता राखेर काम गरौँ यही छ मेरो भनाइ ।
सोच्छु एक्लै कसको जीवन कठिन छैन होला र ?
कठिन नै नभएको जीवन के जीवन होला र ?