Written by: Estella Shrestha - 24007, Grade X
Posted on: 24 November, 2021
खोलानाला जीवजन्तु र हरियो वन
प्रकृतिको सुन्दरताले लोभियो मेरो मन।
यता हेर्यो हरियाली उता हेर्यो नदीनाला
रमाउँदै मेरो मन भन्छ; अन्त कतै नजा ।।
कोइली गाउँछ, मयुर नाच्छ माथि पहाडमा
रङ्गीचङ्गी फूल फुल्छन् यही देशको माथमा ।
मन लोभ्याउँछ छहरा र झरनाको मिठो सुसेलीले
चिर्बिर गर्दै गीत गाउँछे सानी जुरेलीले ।।
थुप्रै कति फुलेका ती सेता हिमालहरू
मुस्कुराउँछन् तिनलाई हेरी पर्यटकहरू ।
चारकोसे झाडीभित्र नाच्छन् डाँफे मुनाल
पहाडको शिरमा हाँस्दै फुल्यो रातो गुराँस ।।
जुनतारा लुकामारी खेल्छन् रातभर
हरियाली वसन्तमा खुसी वरपर ।
जति हेरे पनि कहिल्यै अघाएनन् आँखा
कति राम्रो सुन्दरता हरिया ती पाखा ।।