किसानकाे जीवन

Written by: Shreeda Risal - 29031, Grade V

Posted on: 23 November, 2021

किसानकाे खेतबारी र जहान सानाे हुन्छ तर उनीहरूलाई बिहान र साँझ काम नगरी खान पुग्दैन । बिहान सबै मानिसहरू ओछ्यानबाट नउठ्दै किसान खेतमा पुगेर काम गर्न सुरु गरिसक्छन् । असार महिना किसानका लागि रमाउने महिना हाे किनकि असारमा मानाे छरेर मङ्सिरमा मुरी भित्र्याउने किसानकाे सपना हुन्छ । धान राेप्ने समयमा घाम, पानी ,बाढी ,खाेला पहिराे केही नभनी काममा  लागिरहन्छ ।धान राेपेर छाेडेर मात्र पुग्दैन , पानी लगाइ गाेडमेल पनि गर्नुपर्छ । किसानका घरका सम्पूर्ण परिवार काममै व्यस्त हुन्छ । किसानलाई हलाे, जुवा अनि काँधमा काेदालीले शाेभा दिन्छ । धानले जुनेली रातमा बयली खेल्न सुरू गरेपछि किसानकाे खुसीकाे सीमा नै हुँदैन । जब धान वा अन्नबाली भित्र्याउँछ, किसानले नै विश्वभरका लागि खाद्यन्न पुर्याउँछ त्यसैले हामीले सम्पूर्ण किसानकालाई सम्मान गर्नुपर्छ ।