नदी

Written by: Yureka Adhikari - 29049, Grade V

Posted on: 19 November, 2021

हिमाल बाट झरिकन पहाडलाई हरीया बनाउँछौ 
पानी बनी जीवन दिन्छौ 
खोलानाला सँग भेटी बगिरन्छौ  
ढुङ्गाहरूमा बजारिँदै निरन्तर अघि बग्दछौ 
जहाँ घाम र छायाँ भेटेर रमाउँछन्।
इन्द्रेणीका रङ लहराउँछन्  त्यहाँ हुन्छौ तिमी 
खेल्दै रमाउँदै लहरा अनि पहरासँग जिस्कन्छौ तिमी 
तर रिसाएमा पहाड सिङ्गै लडाइदिन्छौ 
अनि तराई पूरै डुबाइदिन्छौ 
गाउँ-शहर, पाखा-पर्वत डुलिकन सुन्दर बनाउँछौ तिमी 
खेत-बारी डुलिकन अन्न फलाउँछौ तिमी
सबैको घर-घरमा रमी बस्छौ तिमी 
थाक्दैनन् कोहि बयान गरी तिम्राे 
कहिले बनि झरना त खहरे कहिले बनी
कल-कल, छङ्-छङ् आवाज बनाई समुद्र भेट्न जानी
निरन्तर बगिरन्छौ तिमी 
कोहि रोक्न सक्तैन तिमीलाई नत सक्छ छेक्न
तिमी बगेकाे मनाेरम दृश्य सबैले चाहन्छन् देख्न