मृत्यु दण्ड

Written by: Jubin Maharjan - 22026, Grade XII

Posted on: 16 November, 2021

मृत्युदण्ड भनेको धेरै गम्भीर अपराध गर्ने व्यक्तिलाई दिइने सजाय हो । चीन, इरान, अमेरिका आदि १४ देशहरूमा यो कानुनी छ । मृत्युदण्डको सजाय विवादास्पद विषय हो र अझै पनि कार्यान्वयन गर्नुपर्छ कि हुँदैन भन्ने चर्चा छ । धेरै मानिसहरूसँग यसको समर्थन गर्ने बलिया कारणहरू छन् र धेरैसँग यसको विरुद्ध जाने कारणहरू छन् ।
कुनै पनि देशमा मृत्युदण्ड दिनु हुँदैन किनभने यसले देशमा नराम्रो प्रभाव पार्छ । कसैलाई अर्को व्यक्तिको ज्यान लिने अधिकार हुनु हुँदैन । आफ्नो कर्मका लागि अर्काको ज्यान लिनु न्याय होइन, बदलाको कार्य हो । मृत्युदण्डले निर्दोषको ज्यान लिने जोखिम हुन्छ । धेरै घटनाहरूमा हामी देख्न सक्छौँ कि मृत्युदण्डले प्रमाणको अभावमा निर्दोष मानिसहरूको ज्यान लिएको छ । सबैलाई दोस्रो मौका दिनुपर्छ । धेरै मानिसहरू जसलाई दोस्रो मौका दिइएको थियो, उनीहरूले पुन: प्राप्ति गर्न र परिवर्तन गर्न सक्षम भएकाे देखाएका छन् । परिवर्तन एक निरन्तर प्रक्रिया हो र परिवर्तनको लागि व्यक्तिको दोस्रो मौका खोस्नु कुनै पनि अवस्थामा नैतिक होइन । यदि तिनीहरूको दोस्रो मौका खोसियो भने तिनीहरूले कसरी सिक्ने छन् ?
तसर्थ यो कानुन कार्यान्वयन गर्ने देशमा मृत्युदण्ड खारेज हुनुपर्छ । मानिसहरूले यसको नकारात्मक प्रभावको बारेमा सचेत हुनुपर्छ र मानिसहरूलाई दोस्रो मौका दिन सिक्नुपर्छ । अपराधी पनि मानव भएकाले नैतिकताको हिसाबले उचित सजाय हुनुपर्छ ।