अनलाइन खेलहरूलाई प्रतिबन्धित गर्नु ठिक होला त ?

Written by: Sambridhi Neupane - 23036, Grade XI

Posted on: 16 November, 2021

संसदमा हालैको बैठकमा एक सांसदले अनलाइन खेलहरूकाे नकारात्मक प्रभावको कारण अनलाइन खेल प्रतिबन्ध गर्ने विषय उठाएका छन् । माननीय सदस्य श्रीमती आशा कुमारी भन्छिन् पबजी र फ्रिफायरजस्ता अनलाइन खेलहरूले बच्चाहरूलाई उनीहरूको मानसिक स्वास्थ्यमा गडबडी मा नकारात्मक असर पारिरहेका छन् । उनी पनि भन्छिन्,  ‘इन्टरनेटको उपयोग बढेको छ, बच्चाहरूको लत र व्यवहार डरलाग्दो छ ।’
याे मुद्दाका सन्दर्भमा सभामुखले यी अनलाइन खेलहरूलाई प्रतिबन्धित गर्ने बारेमा केही नकारात्मक टिप्पणी दिए ।
नेपालमा अनलाइन खेल प्रतिबन्धको विषय हाम्रा लागि धेरै नयाँ होइन । वास्तवमा पबजी गत वर्ष नेपालमा केही समयका लागि प्रतिबन्धित गरिएको थियो तर यस पटक यो विषय संसद भवनसम्म पुग्यो ।
प्रश्न याे हो कि के यो खेलमा प्रतिबन्ध लगाउनु ठिक छ ?
यदि हामी यसले बच्चाहरूलाई मानसिक रूपमा असर गर्छ भन्ने एक पक्षीय कुराकानी गर्छौं भने यो सही छ तर हामीले पनि अनलाइन खेलको बढ्दो उद्योगलाई विचार गर्नुपर्छ । अनलाइन खेलकाे कुनै अन्य खेलकाे जस्तै विशाल भविष्य छ । प्रविधिको यो आधुनिक जमानामा यी खेलहरूलाई बढ्न मद्दत गर्नुपर्छ र राम्रो मञ्च दिनुपर्छ । धेरै कठिनाइहरू र असमर्थ सरकारका बाबजुद नेपाली खेलाडीहरूले च्याम्पियनसिपमा आफूलाई प्रमाणित गरेका छन् । उनीहरू आफ्नो प्रतिभा देखाउन र खेल जितेर राम्रो स्थान प्राप्त गर्न सक्षम छन् ।
मेरो विचारमा यो पबजी र फ्रिफायरजस्ता अनलाइन खेलमा प्रतिबन्ध लगाउनु एउटा धेरै गलत निर्णय हुने छ । हामीले यी खेलहरूलाई प्रतिबन्धित नगरी बढ्न मद्दत गर्नुपर्छ । बच्चाहरूमा अनलाइन खेलका नकारात्मक प्रभावहरूका लागि आमाबुबा जिम्मेवार हुनुपर्छ । आमाबाबुले आफ्ना बच्चाहरूको स्क्रिनमा बिताउने समयमा नियन्त्रण गर्नुपर्छ । आमाबाबुले आफ्ना बच्चाहरूलाई उमेर हद पुरा गर्नका लागि आफ्ना खाताहरूको माध्यमबाट साइन इन गर्न अनुमति दिनु हुँदैन । यो सबैभन्दा ठुलो लापरवाही हो, जसका कारण बच्चाहरूमा सानै उमेरमा अनलाइन खेलको लत सुरु हुन्छ । केही सावधानी अपनाउँदा अनलाइन खेलका नकारात्मक प्रभावहरूलाई नियन्त्रण गर्न सकिन्छ । युवाहरूका लागि एक बढ्दो उद्योगका रूपमा अनलाइन खेलको सकारात्मक र आर्थिक पक्षमा ध्यान केन्द्रित गर्नुपर्छ ।