मेरो देश

Written by: Dhendup Norphel Sherpa - 23020, Grade XI

Posted on: 15 September, 2021

मेरो देश नेपाल दुई देश, भारत र चीनको बिचमा अवस्थित छ । जे होस्, यो अन्तर्राष्ट्रिय शक्तिहरूबिचकाे स्यान्डविच हाे तर हाल नेपालकाे द्वन्द्व कुनै देशसँग भएको छैन र यहाँ शान्ति छ । नेपाल विभिन्न जात, भाषा र संस्कृतिहरूको देश हो । अन्य शब्दहरूमा भन्दा यो विभिन्न जातजाति र पृष्ठभूमिका जनताका रूपमा रहेका फूलहरूको एक सुन्दर बगैँचाजस्तै हो । नेपाल प्राकृतिक सौन्दर्य र संसाधनमा धनी छ । नेपाल एक त्यस्तो देश हो, जुन समुद्रसँग जोडिएको छैन । यो  विकासोन्मुख देश हो । नेपालको कुल क्षेत्रफल एक लाख सत्चालिस हजार एक सय एकासी वर्ग किलोमिटर रहेकाे छ । नेपाल धार्मिक र ऐतिहासिक सम्पदामा पनि धनी छ ।  

नेपालमा लगभग १२६ जातहरू छन्, जसमा प्रत्येकको आफ्नै समृद्ध इतिहास र संस्कृति छ, जसले नेपाललाई सांस्कृतिक रूपमा धनी बनाउँछ । यति मात्र हैन, हाम्रो देश भौगोलिक विविधतामा धेरै धनी छ । हिमालय क्षेत्रहरूमा उच्च र शक्तिशाली हिमालयहरू छन् । संसारका शीर्ष १० अग्ला चुचुराहरूमध्ये ८ ओटा हिमाल मेरै देशमा छन् । यस्तो देशकाे नागरिक हुन पाउनु पहिले नै ठुलो गौरवको कुरा हो । विविध वनस्पति र जीवजन्तु, सुन्दर परिदृश्य, हरियाली र हरिया जङ्गल, ऐतिहासिक र धार्मिक स्थलहरू नेपालीहरू र विदेशीहरूको ध्यान तान्नका लागि पर्याप्त छन् ।

नेपाल एक कृषि प्रधान देशको रूपमा पनि चिनिन्छ, जहाँ साठी प्रतिशत मानिसहरूले कृषिलाई आफ्नो पेसाका रूपमा पछ्याएका छन् । हाम्रो देशको ठुलो ऐतिहासिक महत्त्व छ । गौतम बुद्ध, बौद्ध धर्मका संस्थापक र उपदेशक, जो विश्वव्यापी रूपमा चिनिएका छन्, नेपालमै जन्मिएका थिए । बौद्ध धर्मले शान्ति, अहिंसा र सबैलाई माया गर्न सिकाउँछ । राजा जनक पनि एक महत्त्वपूर्ण व्यक्ति हुन्, जसले नेपाली समुदायमा धेरै महत्त्व राख्छन् ।