Written by: Subham Regmi - 22014, Grade XI
Posted on: 22 June, 2021
एनिमेमा विशेषता सबैभन्दा महत्त्वपूर्ण हुन्छ किनकि यसबिना हामीलाई कथा के हो वा कथा केको बारेमा छ भनेर थाहा हुँदैन । एनिमेमा उचित विशेषता भएन भने त्याे हेर्न रमाइलो हुँदैन । धेरै चरित्र विकास नभएको हास्य एनिमेमा विशेषताले आफ्नो जिम्मेवारी लिन्छ । चरित्र विकास एउटा साहित्यिक साधन हो, जसलाई साहित्यकारहरूले बुझाइका दृष्टिले चरित्र कसरी बढेको छ भन्ने कुरा व्यक्त गर्न प्रयोग गरेका छन् र यसले पात्रहरूलाई केही गहिराइ दिन्छ । यसरी पात्रको लागि एउटा निश्चित उत्प्रेरणा भएकोले प्लट लाइन अझ रोचक हुन्छ । चरित्र वृद्धि भनेको चरित्र विकास होइन । तिनीहरू बिलकुलै फरक छन् । चरित्र वृद्धि एउटा पात्रले आफूसँग पहिले नै भएका केही सिपहरू प्रशिक्षण दिन सक्छ र एनिमे "नारुतो" जस्तै राम्रो हुन सक्छ । नारुतोले रासेनगान सिक्छन् जुन उनको प्रशिक्षणको परिणाम हो र उनले केही नयाँ कुरा पनि सिके तर एनिमेसनको त्यो खण्डमा चरित्र विकास धेरै छैन ।
चरित्र वृद्धिमा मानिसहरू अलमलमा पर्नुको कारण के हो भने जब एनिमेमा चरित्र बृद्धि हुन्छ तब कहिलेकाँही चरित्र विकाससँगै मिल्छ जुन बबसमुराईले आफ्नो भिडियोमा कुरा गरेका छन् । "किमेत्सु नो याइबा" को उदाहरण लिँदा जब "तन्ज्जो" ले तालिम दिन्छ । उसले तरबार कलाको बारेमा केही सिक्छ, जुन एक कौशल हो र यो चरित्र वृद्धि हो तर तरबार कला सिक्ने क्रममा उसले पुराना विद्यार्थीहरूको मृत्युको बारेमा सिक्छ । यसले उसको विकासलाई मानसिक रूपमा असर गर्छ र उसको दृष्टिकोण परिवर्तन हुन थाल्छ । यसलाई केही हदसम्म चरित्र विकासको रूपमा लिन सकिन्छ तर उसले तरबार कला सिक्नुअघि पहाडको टुप्पोबाट आफ्नो क्षमता बढाउन दौडने प्रशिक्षण लिनुलाई नै चरित्रको वृद्धि भन्न सकिन्छ ।
चरित्र वृद्धिले एनिमेसनको कथालाई असर गर्न सक्छ वा नगर्न पनि सक्छ तर चरित्र अझ बलियो हुँदै गएको देख्दा हामी रोमाञ्चित हुन्छाैँ । यही कारणले गर्दा चरित्र वृद्धि र चरित्र विकासलाई कहिलेकाहीँ यसै कारणले पनि सँगै राखिन्छ । कारण हो, विकास र विकासका कारण मानिसहरू अलमलमा पर्छन् ।
