Written by: Utkrist Mani Neupane - 21133, Grade XII
Posted on: 06 April, 2021
पौराणिक सोच र आधुनिक रहरकाे गुजुल्टोमा बेरिएका मान्छे
धार्मिक कैदीगृहका बाथरुममा
मागहरूका अनहाइजेनिक रङले नुहाएका दैवीआकृति
व्यस्त छन् चुस्न नाङ्गिएको एन्टिक सभ्यता ।
उता अनुकरणको पखालाले ग्रस्त संस्कृति
घरि घरि फ्याँकिरहेछ
ढाडिएकाे मोडर्निजम्का अज्ञात, आदिम पाइखानामा
विभाजनको सरुवा रोग
भित्रिरहेछ अन्तर्राष्ट्रिय अनुदानसँगै
चिल्ला गाडीमा बसी डलरसँग मस्किँदै, गफिँदै ।
गिदी सुकेर स्वपहिचान हराएका
बिलासी बप्परे लिडर कुल्चिरहेछन् हिँडिरहेका पाइताला
आलिसान नोस्टाल्जिक पलायन प्यालेसबाट
देश दगुराउने चालकहरू उडाउँदै छन् प्रजातान्त्रिक सिग्रेट ।