Written by: Utkrist mani Neupane - 21133, Grade XII
Posted on: 24 December, 2020
सपनाको सहर बनाउँदै हिँडेको मजदुर म
लक्ष्यको महल सजाउँदै गरेको डकर्मी म
सुन्दा हाँस्छन् दुनियाँ, त्यस्तो सपना देख्छु म
पहाडै फोड्न सक्छु आफ्नो लक्ष्य भेट्न म ।
सपनाको भण्डार खोल्न थालेछु
शारीरिक थकान मैले सारा फालेछु
समय परिस्थितिअनुरूप आफूलाई ढालेछु
सपना पुरा गर्न पाइला अगाडि चालेछु ।
संसारको सारा खुसी अनुभव गर्ने छु
विश्वका अमर व्यक्तिमध्ये म पनि पर्ने छु
सबैभन्दा धनी व्यक्ति पनि म बन्ने छु
यो जीवनका लागि म धन्य छु ।
नामः उत्कृष्टमणि न्यौपाने