खोजी

Written by: Kajal Bastakoti - 21108, Grade XII

Posted on: 17 December, 2020

एकान्तको कुना खोज्दै थिएँ,  

कोलाहलको संसारमा

दृढता बिलाउँदै गएछ आफ्नो 

हराएछु यो कोलाहलमा ।  

 

मरुभूमिको बलुवा 

गन्दै पो रहेछु, 

समय बितेको पत्तै पाइनँ, 

अब फिर्ता पाउने कुरै भएन ।  

 

हतारिँदै आत्तिँदै दौडिरहेँ म 

गन्तव्यबिना 

धेरै टाढा पुगिसकेको रहेछु, 

फर्किन म सकिनँ । 

 

ती दुई मुस्कान पर्याप्त थिए, 

यो मैले सोचिनँ, 

मुस्कानले मात्र मलाई कहाँ पुग्यो र 

चाहिएको थियो धेरै ।  

 

तर ती कुरा के थिए 

भनेर पत्ता लगाउन सकिनँ, 

अझ पनि खोजी गर्दै छु म 

एकान्तको कुनामा ।