Written by: Anukrama Poudel - 22031, Grade XI
Posted on: 03 November, 2020
कीर्ति राख पछिसम्म बाँच्न सक्ने गरी
जनताको मनभित्र पस्न सक्ने गरी ।
पूर्वजले राखे कीर्ति जनताकै लागि
आफ्नै श्रम र पसिनाले धान्न सक्ने गरी ।।
हामीभन्दा अगाडिका कति बिती गए
जानुपर्छ हामी पनि धनजन छाडी ।
हामी जाँदा सबै मान्छे दुःख मान्ने बनून्
काँडा बनी जीवनमा नघाेचाैँ न खालि ।।
गरौँ असल कर्महरू जनताका लागि
भिक्षा मागी खाऊँ बरु धनमान त्यागी ।
जीवन त्यो नै सुखी होला सारा सुख त्यागी
सुख कतै मिल्ने छैन दुःखबाट भागी ।
त्यागमा जति सुख मिल्छ भोगमा मिल्ने छैन
पटक पटक मानव जीवन फेरि पाइने छैन ।
राम्रो काम गर्नलाई भोली नभन न
समाजमा बाँचनलाई नमुना नै बन ।।