विवश

Written by: Anukrama Paudel - 22031, Grade XI

Posted on: 15 October, 2020

सबै हात एक भैदिए

म कति चाँडै उठ्न सक्ने थिएँ होला,

सबै मन एक भैदिए म सधैँ बर्बराउन्नथेँ होला,

म धेरै समय बर्बराएँ,

अहिलेसम्म कसैले ध्यानसँग

सुनेजस्तो लाग्दैन ।

मेरो मनको इच्छाशक्ति

अत्यन्त चहकिलो भएर उठ्ने थियो,

मैले एक्लै उठने धेरै प्रयत्न गरेँ,

म उठ्न लागेको देखेर

मलाई सहयोग गर्ने बहानाले

जहाँको त्यहीँ, जस्ताको त्यस्तै राख्न खोज्ने हातहरू सल्बलाइरहेछन्,

मलाई यथास्थितिभन्दा पनि

अझ जिर्ण बनाएर हेर्न लालायित हुनेहरू 

बडो आनन्द मानेर हेरिरहेछन्, 

म उठ्न खोजेर पनि उठ्न नसक्दा

विवश बाँचिरहेछु, विवश बाँचिरहेछु ।