Written by: Riya Jha - 21134, Grade XII
Posted on: 29 September, 2020
साँझको बेला फूलमा पानी हाल्दै सोच्दछु निरन्तर
नेपाली साहित्य क्षेत्रमा कसले फुलाए कविताको फूल ?
बुद्ध, सीता र भृकुटी जहाँ जन्मिए
त्यहीँ भानु आफ्नो दिव्यताले चम्किए ।
चारैतिर हिमाल, पहाड छन् हजारौँ ताल
भानुभक्त जन्मेको देश हो हाम्रो मातृभूमि नेपाल ।
सबैको मनमा खुसियाली छर्दै बित्यो असार
भानुभक्तले रचेका कृति छन् अपार ।
प्राथमिक कालीन नेपाली साहित्य क्षेत्रका अग्रणी उनी
लेखे उनले प्रश्नोत्तरी, भक्तमाला र वधूशिक्षा जस्ता काव्य पनि ।
तनहुँको रम्घामा जन्मेर पहिचान बनाएका भानुभक्त
छन् तिम्रा काव्य र कृतिहरू ज्ञानयुक्त ।
घाँसीबाट प्रेरणा पाई साहित्यको रचना गरी चर्चित
नेपालीहरू भएका छन् यिनकाे कामबाट गर्वित ।
हे रामायणकार ! मूर्त रचना गर्ने कलाकार
रामायणलाई नेपाली भाषामा अनुवाद गरी गर्याै प्रचार
नेपाली साहित्यले तिमीलाई आदिकवि भनि गर्याे स्वीकार ।
हो रामायण रामको प्रिय कथा आदर्शको सम्बल
जसले जीवनमा दियो प्रतिफल जीवन्त बन्ने बल ।
सिर्जनशील जीवन कथा सम्झेर आजीवन
नेपाली जान गौरवान्वित भई पाए नया जीवन ।
भानु जयन्ती मनाउँदै गर्छु तिम्रो स्मृति
युगाैँयुगसम्म अमर रहनेछन् तिम्रा काव्यकृति ।