Written by: Aashish Sapkota - 21135, Grade XII
Posted on: 20 September, 2020
निलो आकाशमा उडिरहने चरासरि
अविश्रान्त बगिरहने नदीसरि
वसन्तमा फुलिरहने फूलसरि
खेतबारीमा झुलिरहने धानसरि
निरन्तर पौडिरहने माछासरि
सपनाको रङ्गीन सहरको
सुखसयलमा रमिरहन्छु म ।
कालकोठरीमा थुनिएकाे बन्दीसरि
शिशिरमा उजाडिएको रूखसरि
डढेलोले खाएको वनसरि
मरूभूमिमा उडेको तातो बालुवासरि
यथार्थको उराठलाग्दो वर्तमानमा
आफैँलाई नै निरन्तर खोजिरहेछु म ।