Written by: Sonishma Basnet - 2022021, Grade X
Posted on: 09 February, 2021
हराएर आफैँभित्र शून्य समयमा
सोच्ने गर्छु, म के सोचिरहेछ होला त्यो बादल
के सम्बन्ध थियो,होला पृथ्वी र बादलको ?
टाढा-टाढासम्म फैलिएर घेर्छ बादल पृथ्वीलाई,
बादलले सुरक्षा गरे जस्तो पृथ्वीलाई
काखी च्याप्छ कि घुम्टाे ओढाउँछ ?
वशमा राख्छ कि के गर्छ ?
यस्तै यस्तै प्रश्नमा घोत्लिरहन्छ,मेरो मन।
किन बादल चिसिएर पानी बनी पृथ्वीमै फर्किन्छ ?
किन बादल पृथ्वीलाई सेताम्मे बनाउँछ?
के साइनो छ,पृथ्वीसँग बादलको ?
यस्तै यस्तै प्रश्नमा घोत्लिरहन्छ,मेरो मन।
लाग्छ मलाई, बादल पृथ्वीसँग रिसाएको छ।
आफ्नो रिस पाेख्न बेमौसमको बर्षात् बर्साई रहेछ।
म सोच्ने गर्छु पृथ्वीको केही पो गल्ती पो थियो कि
यस्तै यस्तै प्रश्नमा घोत्लिरहन्छ,मेरो मन।