दसैँ

Written by: Neelhang Limbu - 2030047, Grade II

Posted on: 18 November, 2020

दसैँ हिन्दुहरूको एउटा महान पर्व हाे । यो पर्वलाई विजयादशमी वा बडादसैँ पनि भनिन्छ । यो पर्व सम्पूर्ण नेपालीहरूको राष्ट्रिय पर्व पनि हो । यस पर्वमा आफन्तहरू एकै ठाउँमा भेला भएर खानपान गर्दै रमाइलो गर्छन् दसैँ १५ दिनसम्म मनाइन्छ । दसैँको पहिलो दिइलाई घटस्थापना भनिन्छ । यस दिन सबैको घरमा जमरा राखिन्छ त्यसपछि नाै दिनसम्म नवदुर्गा भवानीकाे  पूजा गरिन्छ । दसैँको बेला पिङ खेलिन्छ । मन्दिरमा गई पूजा गरिन्छ दसैँको सातौँ दिनलाई सप्तमी अथवा फूलपाती भनिन्छ । दसैँको आठौँ दिन अष्टमी हाे । त्यसदिन  खसी बोकालाई बलि दिई मासु खाइन्छ । नवमीकाे दिन नवदुर्गा भवानीको पूजा गरिन्छ । दशमीको दिन आफूभन्दा ठूलाबडाका हातबाट टीका जमरा लगाइन्छ र आशीर्वाद लिइन्छ । दसैँमा नयाँ लुगा लगाएर  चङ्गा उडाएर रमाइलो पनि गरिन्छ ।