Written by: Rohan Upreti - 2022016, Grade X
Posted on: 12 November, 2020
खेलकुदले मानिसलाई स्वस्थ रहन सहयोग गर्छ। खेल व्यक्तिको जीवनमा महत्त्पूर्ण हुन्छ । खेल भनेको शारीरिक र मानसिक विकास पनि हो । खेलले मानिसलाई तन्दुरुस्त पनि बनाउँछ। मानवजीवनमा खेलकुदको ज्यादै ठूलो महत्त्व रहेको छ । खेलबाट हाम्राे शरीर र मन दुवै स्वस्थ रहन्छन् । अझ शारीरिक तन्दुरुस्तीका साथै निरोगी पनि बन्न सहयोग गर्छ। नियमित रूपमा खेलकुदमा सहभागी हुने व्यक्ति ज्यादै फुर्तिलो हुन्छ । त्यसैले समय मिलाएर खेलकुदमा सहभागी हुनु अति जरुरी छ। खेलमा एकाग्रता, अनुशासन र स्वस्थ प्रतिस्पर्धा हुनुपर्दछ। खेलले नै एक अर्कामा सहोयोगीको भावना बढ्न सक्दछ । अनि एकअर्कामा आत्मीयता पनि बढ्न जान्छ । तर अहिले कुनै कुनै खेलमा स्वस्थ प्रतिस्पर्धा नभई अस्वस्थ प्रतिस्पर्धा पनि भइरहेको पाइन्छ। जसरी भए पनि खेल जित्नै पर्ने भन्ने नचाहिदो होडबाजी र दुर्भावनाको विकासले गर्दा खेलमा नराम्रो अस्वस्थको सिर्जना भएको हो। खेल हुनुभन्दा अघि नै हारजित निश्चित गर्नु, छलकपट हुनु, खेलाडीहरुलाई धम्की दिनु र तिनलाई खरिद गर्न खोज्नु आदिजस्ता खराब प्रवृत्तिका कारण सिङ्गो खेलजगत नै विवादमा फस्न पुगेको हुन्छ ।
खेलकुदबाट मानिसलाई धेरै फाइदा हुन्छ । खेलकुदमा अनुशासन अपरिहार्य हुन्छ र यसले मानिसलाई अनुशासित जीवन बिताउन मद्दत गर्छ । यसबाट मानिसमा समूहमा मिलेर कम गर्ने बानीको विकास हुन्छ । खेलबाट शारीरिक व्यायाम हुने भएकाले शरीरमा काम गर्ने शक्तिको पनि विकास हुन्छ। खेलकुदकै कारण व्यक्तिको मानसिक र बौद्धिक विकास हुने कुरा निश्चित नै छ ।