Written by: Deelisha Maharjan - 2022006, Grade X
Posted on: 08 November, 2020
समाज भनेको परिवार परिवार मिलेर बनेकाे ठुलो समूह हो । समाजमा अनेक घटना तथा क्रियाकलापहरू हुन्छन् । यही समाजमा मानिसले एक अर्कालाई सु:ख दु:खमा साथ पनि दिन्छन् । मानिसका क्रियाकलाप समाजसँग सम्बन्धित हुन्छन् । समाजमा अपाच्य तथा समाज विराेधी क्रियाकलापले समाजमा समस्या निम्त्याउँछ । मानिस सामाजिक प्राणी भएकाले समाजसँगै बाँधिएकाे हुन्छ ।
कतिपय अवस्थामा आफूलाई गर्न मन लागेका कुरा पनि समाजकै डरले गर्न सकिँदैन । । यो कुरा सायदै गलत हो । हामी आफ्नो लागि जिउने हो कि समाजको लागि ? समाजले के सोच्छ भनेर केही नगर्ने होइन ;आफूलाई जे मन पर्छ त्यो गर्ने पनि होइन । आफ्नाे र समाजकाे हित हुने काम दुवैका लागि फाइजनक हुन्छ । कतिबेला त समाज व्यक्तिकाे विकासकाे बाधक पनि हुन सक्छ । यस्ताे अवस्था भनेकाे समाज व्यक्तिकाे लागि पिँजडा जस्तै हुनु हाे । पिँजडाभित्र जे गर्न सकिन्छ त्यही मात्र गर्न पाइने ।
२१ साैँ शताब्दीमा आइपुग्दा पनि हाम्राे समाजले पुरुष र महिलालाई हेर्ने दृष्टिकाेणमा फरक छ । कोही केटी केटासँग बोलिरहेको र हिँडिरहेको देख्यो भने समाजले हेर्ने दृष्टिकोण नै फरक हुन्छ । त्यो किन त ? समाजले केटालाईभन्दा केटीलाई फरक दृष्टिले किन हेर्छ ? कोही केटी कुनै काम विशेषले घर ढिला आई भने पनि समाजले अनेकन कुरा काट्न थाल्छ । याे प्रवृत्ति सहरी परिवेशमाभन्दा ग्रामीण परिवेशमा अझ बढी छ ।
म साेच्छु हामी समाजकाे लागि बाँच्ने कि आफ्नाे लागि ? समाजमा भएका सबै कुरा राम्रा नै छन् भन्ने पनि छैन । आफ्नो असल विचार र असल कार्यकाे लागि आफ्नो काममा समाजले के भन्छ भनेर पछाडि पर्नु पनि हुँदैन । कतिपय अवस्थामा समाजलाई नै परिवर्तन पनि गर्न सक्नुपर्छ । मानिस भगवान् पनि हाेइन । राम्रा र नराम्रा काम पनि मानिसबाट नै हुन्छन् । अनजानवश गरिएका नराम्रा कामलाई सुधार्ने माैका पनि दिनुपर्छ ।