Written by: Eugune Gurung - 2028049, Grade IV
Posted on: 04 November, 2020
मेरो नाम युजिन गुरुङ हाे । म सिफल सेकेन्डरी स्कुलमा कक्षा ४ म पढ्छु । म स्वयम्भूमा बस्छु । मलाई सबैभन्दा मन पर्ने ठाउँ मेरो मामाघर हो । मेरो मामाघर असनमा छ । मलाई मामाघर धेरै मन पर्छ । मेरो मामघरमा मेरा मामा, माइजू, हजुरबुबा, हजुरआमा दाजु दिदीहरू हुनुहुन्छ । मलाई मामाघरमा सबैजनाले धेरै माया गर्नुहुन्छ । मलाई हजुरआमाले मिठामिठा खानेकुरा बनाएर खुवाउनुहुन्छ । मामाले रमाइलो ठाउँमा घुमाउन लैजानुहुन्छ । मलाई मेरो हजुरबुबाले रमाइला कथा कविताहरू सुनाउनुहुन्छ । मामाले धेरै ज्ञान गुनका कुराहरू सिकाउनुहुन्छ । म मेरो मामासँग गितार बजाउन सिक्छु । मेरो मामा घर नजिकै इन्द्रजात्राको समयमा रथ तान्ने जात्रा हुन्छ । जात्रा हेर्न मलाई रमाइलो लाग्छ । इन्द्रजात्रामा पुलुकेसी, लाखे नाचेको कुमारीको, गणेशको रथ, भैरवको र अनि अरू थुप्रै नाचहरू पनि देखाइन्छ । मैले आफ्नो मामाघरमा धेरै संस्कृतिका कुराहरू पनि सिक्न पाउँछु । अहिले मलाई मायाघर जान निकै मन पर्छ र धेरै समय मामा कै घरमा बस्न मन लाग्छ ।