Written by: Kritanjali Odari - 27018, Grade X
Posted on: 26 June, 2024
प्रिय साथी र एक्लो साथी, मेरो प्रिय कुकुर
सधैँ मेरो साथ , सधैँ मेरो पाइला पिच्छे
उसको आँखाभित्र मप्रति माया र बफादारी
रहने छ सधैँ मेरो स्नेह र ममता उप्रति
उठ्नसाथ, देख्छु उसको मुखमा मुस्कान
उसको निलो आँखा, मेरो दिनको सुरुवात
खेल्छौँ हामी घरको छतमा, दौडिन्छौँ छतैभरि
उसको खुसी, मेरो खुसी, मेरो जीवनको प्रिय स्मृति
सानो छ तर माया भने धेरै गर्न खोज्छ
म रुँदा सधैँ मेरो छेउँमा हुन्छ
बोल्न नसक्ता पनि बुझ्ने गर्छ मेरो मन
मेरो साथी र मेरो प्रिय सिम्बा
उसको बफादारी र माया
उसको त्यो हँसिलो मुहारले भरिन्छ मन
जसरी उसले मेरो माया बुझ्छ
म उसको भाव पनि बुझ्छु त्यसरी ।
