लुम्बिनी

Written by: Prapya Mishra - 32049, Grade IV

Posted on: 15 March, 2024

लुम्बिनी गाैतम बुद्धकाे जन्मस्थल हाे । लुम्बिनी बौद्ध धर्मावलम्बीहरूको पवित्र तीर्थस्थल हो। भगवान बुद्धको जन्मस्थल भएकाले अन्य धर्मावलम्बीले पनि लुम्बिनीप्रति आस्था राख्छन् । यो तीर्थस्थल लुम्बिनी अञ्चलको रूपन्देही जिल्लामा पर्छ । रुपन्देही नेपालको पश्चिमाञ्चलको तराईमा पर्ने जिल्ला हो। लुम्बिनीमा गुम्बा र मन्दिरहरू छन् । त्यहाँ सुन्दर मायादेवीकाे मन्दिर पनि छ । त्यहाँ उत्खनन गरेर राखिएका वस्तुहरू पनि छन् । मन्दिर वरपर घाँसहरू उम्रिएका छन् । मन्दिर भित्र फाेटाे खिच्न पाइदैन् । त्यहाँ विभिन्न घटनाक्रम सम्झाउने बुद्धकाे जीवनीसँग सम्बन्धित तस्विर र मूर्तिहरू पनि छन् । पवित्र तीर्थस्थल भएकाले यहाँ विभिन्न देशका मानिसहरू आइरहन्छन् । लुम्बिनी असाध्यै सुन्दर छ। लुम्बिनी हेर्न र तीर्थयात्रा गर्न दिनैपिच्छे मानिसहरूको भिड लाग्ने गर्छ। पर्यटकीय र धार्मिक हिसाबमा लुम्बिनी राम्राे छ । लुम्बिनी पुग्नासाथ हाम्राे श्रद्धाले शिर निहुरिन्छ । भगवान गौतमबुद्ध हाम्रा आस्थाका प्रतीक हुन् । नेपाललाई विश्वमा चिनाउने सम्पत्ति हुन् । उनी शाक्यवंशी राजा शुद्धाेदन र मायादेवीका सन्तान थिए । उनले ४५ वर्षसम्म नेपाल र भारतका विभिन्न ठाउँमा पुगी दु:ख निवारण सम्बन्धी आफूलाई प्राप्त महाज्ञान बाँड्न रातदिन लागिपरेका थिए ।