Written by: Rushina Tamang - 26008, Grade X
Posted on: 19 February, 2024
म माथि मेरो हक हुन्छ,
मैले जन्म लिएर पाएको
मेराे अधिकार र मेराे कर्तव्य
मेराे जन्म मेरा लागि,
उडानबाट बन्दी गर्न नमिल्ने चरी झैँ,
म माथि मेरो हक हुन्छ ।
छाला चिर्ने तेरो किरणबाट मुक्त हुन
आफूमाथि छाया पाउन ममाथि मेरो हक हुन्छ।
मेरा पुस्ताहरूले रगत बगाएर
बनाएकाे भएको यो गर्वशाली भूमिमा,
टेक्न पाउने ममाथि मेरो हक हुन्छ ।
मेरी आमाको शरीरबाट प्रकट भएको मेरो यो शरीरमा
रातो सारी र रातो टीका लगाउन पाउने ममाथि मेरो हक हुन्छ ।
मेरो आमाबुबाले पसिना बगाएर
मलाई हुर्काउनु भएको यो शरीरमा,
दौरा सुरुवाल ढाका टोपी लगाउन पाउने
ममाथि मेरै हक हुन्छ ।
मैले बगाएको पसिनाले बनाएको यो भूमिमा,
मैले स्वतन्त्रताका साथ जिउन पाउने म माथि मेरो हक हुन्छ ।
त श्रापीले सिंहासन पाएर पनि,
तेरो त्यो सिंहासनमा हक पाएको छैनस् ।
जुन राज्य तलाई तेरो जस्तो लाग्छ,
त्यो राज्यमा तैँले आफ्नो छाया पनि ढाल्न सकेको छैनस।
जुन सुतेको राज्यको तैँले फाइदा उठाइराछस्,
त्यो राज्य उठे पछि तैँले कहिले सुत्न पाउने छैनस् ।
अहिले त तैँले मेरो शरीर जलाई हाल्लास्
तर जुन आगो तेरो मृत्युको लागि बाेल्ने छ
त्यो आगोलाई तैँले कति पनि आँशुले बुझाउन सक्ने छैनस् ।
श्रापीहरूका लागि जुन आगो बल्ने छ,
त्यो आगोलाई तैँले आफ्नो आँसुले
बुझाउन सक्ने छैनस्, राेक्न सक्ने छैनस्
शान्त पार्न सक्ने छैनस् अनि त्यसले आफ्नाे काम गर्ने छ ।